२९ पुस, काठमाडौं । ‘यो खुशी !’ लेखक बुद्धिसागर लेख्छन्, ‘कर्नाली ब्लुजको प्रति हात परेको छ । यस क्षणमा अनुवादक माइकल हटलाई हार्दिक धन्यवाद । प्रकाशक पेन्गुइनलाई पनि धन्यवाद । र, धन्यवाद सम्पूर्ण पाठकहरूलाई जसको प्रेम र सद्भावले पुस्तकले १२ वर्ष लामो यात्रा तय गरेको छ । यात्रा अझै जारी छ ।’

फेसबुक मार्फत उनले आफ्नो उपन्यास अंग्रेजीमा अनुवादित भएको खुशी व्यक्त गरेका हुन् । अन्तर्राष्ट्रिय प्रकाशन संस्था ‘पेन्गुइन बुक्स’ले यसको अंग्रेजी संस्करण बजारमा ल्याएको हो । दश वर्षअघि नेपाली भाषामा प्रकाशित ‘कर्नाली ब्लुज’लाई चर्चित अनुवादक माइकल हटले अनुवाद गरेका हुन् ।