२९ साउन, काठमाडौं ।

स्वास्थ्य बीमा बोर्डले स्वास्थ्य बीमा कार्यक्रमअन्तर्गत नयाँ आबद्धता, नवीकरण तथा बीमितको विवरण अद्यावधिक गर्ने काम अब अनलाइन मार्फत मात्रै हुने भएको छ ।

बोर्डका अनुसार आज (२०८३ साउन २९) देखि स्वास्थ्य बीमासम्बन्धी विभिन्न सेवा अनलाइनबाटै लिन सकिने भएको हो ।

बोर्डले सूचना जारी गर्दै स्वास्थ्य बीमा कार्यक्रमको नयाँ आबद्धता, बीमालेख नवीकरण लगायतका कार्यका लागि डिजिटल प्रणाली प्रयोगमा ल्याइएको जनाएको हो ।