वासिङ्टन, १९ फागुन (रासस/एएफपी):
अमेरिकी राष्ट्रपति डोनाल्ड ट्रम्पले अमेरिका र इजरायलको संयुक्त कारबाहीका लागि निर्देशन थियो, “‘अपरेसन एपिक फ्युरी’ स्वीकृत भएको छ । फिर्ता गरिएको छैन । शुभकामना !”

त्यसपछि अमेरिकी सेनाले व्यापक आक्रमण सुरु गर्यो जसले इरानी कमान्ड र कन्ट्रोल स्थलहरू ध्वस्त पारेको छ, मिसाइल पूर्वाधारहरू नष्ट गरेको छ र नौसेना जहाजलाई डुबाइदिएको छ ।

एएफपीले इरान विरुद्ध अमेरिकी कारबाहीमा महत्त्वपूर्ण क्षणहरूको समीक्षा गरेको गरेको छ ।

–सैन्य बल निर्माण–

अमेरिकाका शीर्ष सैन्य अधिकारी जनरल डन केनले सोमबार एक पत्रकार सम्मेलनमा भन्नुभयो, “राष्ट्रपतिलाई आवश्यक कारबाही गर्नुपर्ने भएमा विश्वसनीय विकल्प उपलब्ध गराउन सकियोस् भनी अमेरिकाले मध्यपूर्वमा हप्तौंदेखि सैन्य बलको निर्माण गरिरहेको थिया ।”

उहाँले भन्नुभयो, ’यी गतिविधिहरूले अमेरिकी सेना कुनै पनि उदीयमान खतराको सामना गर्न तयार र सुरक्षित रहेको सुनिश्चित गरेको थियो। यस तैनाथीमा सबै शाखाका हजारौँ सेवा सदस्य, सयौँ चौथो र पाँचौँ पुस्ताका लडाकु, दर्जनौँ इन्धन भर्ने ट्याङ्करहरू, लिङ्कन र फोर्ड क्यारियर स्ट्राइक समूह र उनीहरूको हवाई शाखा, युद्ध सामग्रीको निरन्तर प्रवाह, ईन्धन आपूर्ति समावेश थियो।”

–जिम्मेवारी सम्पादन गर्नेे आदेश–

केनले भन्नुभयो, “आक्रमणको आदेश शुक्रबार दिउँसो आएको थियो। अमेरिकी रक्षा मन्त्रालय पेन्टागनका प्रमुख पिट हेगसेथले मध्यपूर्वमा अमेरिकी सेनाको जिम्मेवारी लिने सेन्ट्रल कमान्ड (सेन्टकम) लाई सो जानकारी गराउनुभएको थियो ।

राष्ट्रपतिले दिएको निर्देशनलाई उद्धृत गर्दै उहाँले भन्नुभयो, “अपरेसन एपिक फ्युरी स्वीकृत छ। परित्याग गरिएको छैन । शुभकामना!’”

– थालनी –

साइबर र स्पेस कमान्डलाई उद्धृत गर्दै केनले भन्नुभयो, “‘यूएस साइबरकम’ र ‘यूएस स्पेसकम’ सबैभन्दा पहिले परिचालन गरिएका थिए, जसले गैर–काइनेटिक प्रभावहरू प्रवाह गरे र इरानको हेर्ने, सञ्चार गर्ने र प्रतिक्रिया गर्ने क्षमतालाई अवरोध र अवमूल्यन गरे र अन्धो बनाए।

त्यसपछि प्रमुख अमेरिकी युद्ध अभियानसंयुक्त राज्य अमेरिकाको पूर्वी तटमा शनिबार बिहान १ः१५ बजे र तेहरानमा बिहान ९ः४५ बजे सुरु भयो ।
“जमिन, समुद्रबाट १०० भन्दा बढी लडाकु विमान, ट्याङ्कर, हावाबाट उत्पन्न (प्राप्त) हुने पूर्व चेतावनी, इलेक्ट्रोनिक आक्रमण, अमेरिकाबाट बमवर्षक र मानव रहित प्लेटफर्महरूले आक्रमणको श्रृङ्खला बनाउँछ,” जनरल केनले भन्नुभयो ।

अमेरिकी नौसेनाले इरानी नौसेनाका जहाजहरूमा ‘टो